Integrimi
Akuzat pa asnjë argument bëjnë t`i refuzohet pasaporta kosovarit shembullor
Një zëdhënës i komunës ka thënë se “vendimi (i Asamblesë) ka qenë arbitrar. Akuzat objektivisht të pakuptueshme, nuk mbështeteshin në asnjë argument"
Në shumicën e rasteve, në komunat ku për natyralizimin e të huajve vendos asambleja e qytetarëve, (votat e të gjithë qytetarëve) miratimi është më shumë çështje formale. Kjo për faktin se kërkesat për natyralizim, vijnë para qytetarëve vetëm pasi të kenë kaluar nëpër filtrat e autoriteteve komunale.
Por, në rastin e kosovarit 19 vjeçar nuk ka pasur një miratim të tillë, shkruan zofingertagblatt.ch. Grupimi politik “Pro Oftringen”, i ka rekomanduar Asamblesë së Qytetarëve që të hedhë poshtë kërkesën e të përmendurit, e cila është në rend dite (për herë të dytë tashmë) të enjten e kësaj jave.
Më 8 shtator 2016, po kjo asamble e kishte hedhur poshtë kërkesën me shumicë dërmuese, vetëm duke u mbështetur në fajësimet e paargumentuara të një votuesi, transmeton albinfo.ch. Pas kësaj, kosovari ka ushtruar të drejtën e ankesës në nivel kantoni. Ai ka marrë përgjigje pozitive kështu që Asambleja është detyruar ta hedhë edhe njëherë në votim kërkesën e tij.
Ekzekutivi i komunës, duke radhitur argumentet në favor të kosovarit, shkruan se ai ka qenë shumë bindës në test. Nga 95 pyetjet gjithsej që i ka testi, ai ka dhënë 93 përgjigje të sakta. Po kështu 19 vjeçari ka reputacion të mirë, gatishmëri të madhe për integrim dhe nuk ka precedencë penale. Një zëdhënës i komunës ka thënë për gazetën se “vendimi (i Asamblesë) ka qenë arbitrar, përcjell albinfo.ch. Akuzat objektivisht të pakuptueshme, nuk mbështeteshin në asnjë argument. Në këtë mënyrë, ushtruesi i ankesës nuk kishte si të mbrohej kundër akuzave paushalle”.
Nga ana tjetër “Pro Oftringen” tërheq vërejtjen se në komunë nuk ka pasur një rishqyrtim rreth akuzave. As ushtruesi i kërkesës dhe as votuesi kritiknuk janë dëgjuar nga komisioni për natyralizim. Vetëm pasi të jenë sqaruar akuzat, Asamblea e Qytetarëve duhet të hedhë në votim kërkesën në fjalë, përcjell albinfo.ch. Për këtë arsye ajo duhet të tërhqiet.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut