Albumi i Dua Lipës ndër 50 më të mirët e vitit 2017

Në mesin e shumë albumeve të shumë yjeve botërore, “Billboard” e përzgjodhi albumin e kosovares “Dua Lipa” në pozitën e 43-të

Albumi i parë i Dua Lipës është zgjedhur ndër 50 më të mirët e vitit 2017 nga kritikët e “Billboard”.

Në mesin e shumë albumeve të shumë yjeve botërore, “Billboard” e përzgjodhi albumin e kosovares “Dua Lipa” në pozitën e 43-të.

“Një hit i vetëm nuk e bën dikë superyll. Teksa hiti ‘New Rules’ po vazhdon të thyejë rekorde dhe të ngjitet në ‘Billboard Hot 100’ është albumi debutues i nivelit të lartë që e futë atë në mesin e yjeve më premtuese të zhanrit pop. Që nga ‘IDGAF’ e deri te ‘Lost In Your Light’ 22-vjeçarja londineze ka treguar një klas të lartë – të cilin mezi presim ta shpalosë në të ardhmen”, ka shkruar ‘Billboard’ në përshkrimin për albumin e Dua Lipës, transmeton Albinfo.ch.

Me albumin debutues, Lipa fitoi ditë më parë pllakën e artë për shitjet milionëshe të tij, ndërsa me hitet e vitit 2017 ajo u bë këngëtarja më e dëgjuar në “Spotify” në Britani të Madhe.

Top pesëshja e albumeve nga “Billboard” është:

1. Kendrick Lamar – “Damn”
2. 2. SZA – “Ctrl”
3. Lorde – “Melodrama”
4. Jay-Z – “4:44”
5. Khalid – “American Teen”

https://www.billboard.com/articles/news/list/8062834/billboard-50-best-albums-of-2017-critics-picks