Integrimi
Altin Asllani me “Pablo Infernal” ndez atmosferën në OpenAir St. Gallen
“Benzina e tyre është Rock`n`Roll sepse benzinën ata e kanë në gjak. Pablo Infernal janë të egër në zemër. Talentet e zgjedhur si më të mirët nga SRF kanë pushtuar me lehtësi skenën e madhe të OpenAir St. Gallen duke mahnitur audiencën”
Rok Bendi “Pablo Infernal”, me frontmen Altin Asllanin, i zgjedhur vitin e kaluar si bendi miri në Zvicër nga SRF 3 ka ndezur atmosferën në hapje të festivalit të madh open air të shtunën në St. Gallen. Ky organizim që është më i madhi i këtij lloji në Zvicër ka filluar më 29 qershor dhe përfundon më 2 korrik (sot), shkruan albinfo.ch. Ai vizitohet nga dhjetëra mijë adhurues të muzikës dhe është i vetmi në Zvicër që vazhdon të mbahet edhe tash, kur shënon dyzetvjetorin e themelimit.
“Benzina e tyre është Rock`n`Roll sepse benzinën ata e kanë në gjak. Pablo Infernal janë të egër në zemër. Ata, duke kombinuar energjinë e shfrenuar, gjallërinë dhe sharmin parak, dhurojnë festë për sy dhe veshë. Talentet e zgjedhur si më të mirët nga SRF kanë pushtuar me lehtësi skenën e madhe të OpenAir St. Gallen duke mahnitur audiencën”. Kështu shkruan portali i SRF, duke i bashkëngjitur edhe xhirimin nga skena e përmendur.
Në edicionin e sivjetmë të OpenAir St. Gallen krahas dhjetëra grupeve të ndryshme pjesëmarrëse, si më i njohuri paraqitet bendi gjerman “Die Toten Hosen”.
Pablo Infernal nuk pëlqejnë gjërat “e hekurosura në mënyrë perfekte” por synojnë drejt një “papastërtie” të caktuar. Ata e gjejnë burimin e tyre në vitet `70 kur muzika, sipas mendimit të tyre ishte ende e pasofistikuar (e virgjër) dhe jetonte nga emocionet” thuhej në arsyetimin për dhënien e çmimit këtij bendi, vitin e kaluar, transmeton albinfo.ch. Dhe në fakt ata ia kanë dalë që këtë vepër arti ta transportojnë saktësisht në të tashmen.
“Qëkur kam njohur `Pablo Infernal” unë nuk mërzitem më për rininë e sotme. Ata janë rreth të 20-tave, flasin dhe citojnë Deep Purple, Frank Zappa, Beatles, Led Zeppelin me siguri absolute stili dhe kanë potencial siç nuk ka pasur asnjë rok bend zviceran prej kohësh”, thotë redaktori i SFR3 Dominic Dillier.
Në këtë link mund të shikoni videon nga koncerti:
http://m.srf.ch/radio-srf-3/highlights/festivalsommer/konzertvideos/pablo-infernal-hoellisch-gut
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Zvicër: 26-vjeçari vozit me 161 km/h në zonën e kufizimit 80 km/h Shoferit i është dashur të dorëzojë patentën e shoferit dhe Audi-n e tij në vend dhe...
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?
-
Bujtinat e të rinjve në Zvicër kanë shënuar rekord netqëndrimi në vitin 2023