Kosova

Ambasada e Gjermanisë njofton rreth termineve për vizat e punës

Njoftimi ka të bëjë me caktimin e terminit për parashtrimin e kërkesës për vizë

Ambasada e Gjermanisë në Kosovë ka njoftuar se lista e termineve të pritjes për vizat e punës është përmbyllur për muajin shtator, derisa sipas njoftimit lista e pritjes për tetorin do të hapet në javën e dytë të shtatorit, raporton Albinfo.ch.

“Personat mund të regjistrohen në sistemin e ambasadës për caktimin e termineve për parashtrimin e kërkesës për vizë. Lista e pritjes për termine në muajin vijues do të hapet çdo muaj në sistemin e ambasadës për caktimin e termineve. Ju lutemi, vini re se në rast të kërkesës së madhe për termine, mund të ndodhë që jo të gjithë të interesuarit e një muaji të regjistrohen në listën e pritjes për caktimin e një termini.
Për terminet që janë në dispozicion në muajin e ardhshëm, tashmë ka regjistrime të mjaftueshme. Prandaj lista e pritjes për termine për muajin shtator është mbyllur. Lista e pritjes për tetorin do të hapet në javën e dytë të shtatorit’, thuhet në njoftimin e Ambasadës, përcjell Albinfo.ch.