Lajme

Ambasada e SHBA-së i quan të papranueshme sulmet ndaj policisë, mediave dhe civilëve

Një zëdhënës i Ambasadës së Shteteve të Bashkuara në Prishtinë ka thënë se Washingtoni është i shqetësuar me mënyrën se si është kundërshtuar sot përpjekja e institucioneve të Kosovës për të vendosur rend dhe ligj në gjithë territorin e Kosovës.

SHBA-ja është e shqetësuar nga përgjigjja që iu dha sot aksioneve për zbatimin e ligjit të Kosovës në territorin e Kosovës. E gjithë dhuna, e drejtuar qoftë ndaj autoriteteve, mediave, ose qytetarëve, është e papranueshme dhe duhet të hetohet dhe ndiqet penalisht deri në zbatimin e plotë të ligjit. Bëjmë thirrje për qetësi”, ka thënë ky zëdhënës, i pyetur për zhvillimet e ndodhura gjatë aksionit të Policisë së Kosovës kundër kontrabandës në veri të Kosovës, shkruajnë mediat kosovare, përcjell albinfo.ch.

Ndërsa, reagim krejt tjetër ka pasur kryediplomati i BE-së, Josep Borell, i cili ka thënë janë të papranueshme veprimet e njëanshme që cënojnë sigurinë.


LAJME INTERESANTE NGA INTERNETI