Kosova

Ambasadorja Alma Lama përfundon misionin në Itali

Ambasadorja e Kosovës në Itali, Alma Lama, ka përfunduar misionin e saj si ambasadore në Itali.
Ajo përmes një postimi në rrjetin social Facebook ka thënë se askush nuk ka pritur që të përfundojë para kohe misioni i saj si ambasadore, transmeton albinfo.ch.
Lama ka shrkuar se është shumë krenare për punën që ka bërë përgjatë këtyre dy vjetëve e gjysmë, përkundër vështirësive që thotë se ka pasur.
“Sot kisha takimin përshëndetës me autoritetet e Ministrisë së Punëve të Jashtme të Italisë. U ndjeva jashtëzakonisht e nderuar për drekën e organizuar për nderin tim me rastin e përfundimit të misionit dhe personalitetet e nivelit të lartë që ishin prezent për të më dhënë lamtumirën. Pavarësisht të gjithave, unë ndihem shumë e nderuar që kam përfaqësuar shtetin e Kosovës në Itali, Malta dhe San Marino dhe kam bërë maksimumin që me punën time ta meritoj këtë nder. Dhe jam e lumtur që kjo ishte një ndarje me respektin maksimal”, ka shkruar Lama.
Kujtojmë se Presidenti i Kosovës, Hashim Thaçi, ia kishte kërkuar asaj kohë më parë që të largohej nga ky mision, por Lama nuk kishte dëgjuar duke vazhduar puënën e saj.
Ish-deputetja e LDK-së, Alma Lama, kishte votuar për zgjedhjen e Thaçit për president në këmbim për ta fituar postin e ambasadores.