Angli: Në rastet kritike, pacientët dërgohen në hotele

Kjo për arsye të mbingarkesës me pacientë, për të krijuar kapacitete nëpër spitale

Keystone

Sipas planit “shtëpi dhe hotel”, pacientët e vendosur herët në një hotel do të marrin ndihmë nga organizata vullnetare, të tilla si St John Ambulance dhe Kryqi i Kuq Britanik, personeli mjekësor i forcave të armatosura dhe çdo staf i disponueshëm i NHS.

London Hotel Group (LHG) ka filluar të marrë pacientë pozitivë me Covid, të cilët janë të pastrehë nga spitali King’s College në jug të Londrës dhe po kujdeset për ta në hotelin Best Western, ku mund të sigurojë 5,000 shtretër, shkruan “TheGuardian”, përcjell albinfo.ch.

Spitali i King’s College theksoi se pacientët që po barten në hotele nuk kanë nevojë të jenë në spital dhe mund të kujdesen në mënyrë të sigurt në hotel.

Një zëdhënës tha: “Për të krijuar kapacitet në spital për t’u kujdesur për numrin e lartë të pacientëve që kërkojnë pranim, ne kemi bashkëpunuar me një hotel lokal për të akomoduar përkohësisht kryesisht pacientë të pastrehë, të cilët janë të gatshëm të lënë në mënyrë të sigurt spitalin dhe do të përfitojnë nga mbështetja”.

Këto vendime vijnë mes shqetësimit në rritje se spitalet së shpejti do të mbingarkohen dhe se kriza mund të mos arrijë kulmin për disa javë.

Më shumë se 35,000 pacientë me Covid ndodhen në spitalet e Mbretërisë së Bashkuar, me këtë numër që u rrit me 6,213 vetëm javën e fundit, përcjell albinfo.ch.

LAJME INTERESANTE NGA INTERNETI