Lajme
Aplikacioni për të gjurmuar njerëzit me koronavirus në Zvicër
Qeveria zvicerane se do të nisë një aplikacion smartphone, javën e ardhshme, e krijuar për të gjetur personat e infektuar potencialisht me COVID-19
Në fillim të kësaj jave, parlamenti prishi planet origjinale të qeverisë, duke vendosur që aplikacioni i telefonit nuk mund të merrte dritën e gjelbër pa një bazë të duhur ligjore.
Aplikacioni përdor teknologjinë pa tel Bluetooth për të regjistruar telefona të tjerë që janë në afërsi. Ajo funksionon duke gjurmuar njerëzit që pa dashje mund të kenë qenë në kontakt të zgjatur me dikë që më vonë ka qenë pozitivisht me koronavirusin, përcjell albinfo.ch.
Faza pilot, që do të zgjasë deri në fund të majit, do të kufizohet në “një grup të caktuar të popullsisë”, tha Ministri i Shëndetësisë, Alain Berset në një konferencë për shtyp.
Në ndërkohë, qeveria do të sqarojë kornizën ligjore të nevojshme për aplikacionin dhe do ta paraqesë atë në parlament në fund të majit, me shpresën se deputetët do të sigurojnë shpejt dritën e gjelbër, tha Berset.
“Nëse parlamenti thotë jo, ka mbaruar”, tha ai për aplikacionin, përcjell tutje albinfo.ch.
Berset gjithashtu u bëri thirrje hakerave që të vijnë përpara për të testuar mbrojtjet e aplikacionit – veçanërisht në mbrojtjen e të dhënave.
Nëse aplikacioni është i autorizuar nga parlamenti, ai do të jetë opsional dhe nuk do të përdoren të dhëna personale ose informacione mbi vendndodhjen, tha qeveria. COVID-19 ka vrarë 1.525 njerëz në Zvicër, ndërsa 30,124 kanë dalur pozitivë, sipas shifrave ditore të Ministrisë së Shëndetësisë të Premten, përcjell tutje albinfo.ch.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe