Kuriozitete
Apple, marka më e fortë në botë
Me vlerë 408,251 miliardë dollarë, Apple është marka më e fortë në botë.
Ky është përfundimi i studimit të përvitshëm “Best Global Brands”, i kryer nga Interbrand, i cili analizon strategjitë në bazë të të cilave markat globale me vlerë më të madhe ekonomike janë në gjendje të përballen me sukses me një skenar biznesi sfidues dhe në zhvillim të shpejtë.
Ky është viti i nëntë radhazi, që shoqëria për konsulenca globale, Interbrand, e rendit Apple në krye të klasifikimit të përvitshëm të markave me vlerën më të madhe në botë, duke i atribuuar gjigantit të teknologjisë “një vlerë marke” 408,251 miliardë dollarë.
Kjo shifër përfaqëson një rritje me 26% krahasuar me vitin e kaluar, kur vlera e markës Apple u vlerësua në 323 miliardë dollarë., transmeton monitor, përcjell Albinfo.ch
Pas kompanisë shumëkombëshe nën drejtimin e Tim Cook renditen Amazon (249,249 miliardë dollarë) dhe Microsoft (210,191 miliardë). Këto tre marka përfaqësojnë një të tretën (33%) e vlerës totale në studim.
Në vend të katër renditet Google (196,811 miliardë), ndjekur nga Samsung (74,635 miliardë), Coca-Cola (57,488 miliardë), Toyota (54,107 miliardë), Mercedes-Benz (50,866 miliardë) McDonald’s (45,865 miliardë) dhe Disney (44,183 miliardë) e cila mbyll dhjetë markat e para në klasifikim.
Tesla, e cila rihyri në klasifikim vitin e kaluar, është marka me rritjen më të shpejtë, me një rritje të vlerës prej 184%, që e bëri atë të ngjitet përpara 26 vende, duke u renditur në vendin e 14-të, me vlerë 36.270 miliardë dollarë. Ndër markat me rritje më të shpejtë janë edhe Salesforce (+37%) dhe PayPal (+36%).
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf