Autotech

“Apple”, prezanton shërbimet e reja 

Kompania Apple e ka zbuluar shërbimin e ri me përbërje origjinale “Apple TV+” dhe platformën digjitale “Apple TV Channels”, pa e zbuluar koston e tyre duke ia shtuar konkurrencën platformës digjitale Netflix. 

Shërbimi “Apple TV+” do të përfshijë projekte origjinale nga emrat e mëdhenj të Hollywoodit, si Steven Spielberg, J.J. Abrams dhe M. Night Shyamalan, si dhe do të lansohet për klientët e kompanisë Apple gjatë kësaj vjeshte. Ky shërbim nuk do të përfshijë reklama, si dhe do të jetë në dispozicion përmes të gjitha pajisjeve Apple, përfshirë këtu edhe disa platforma tjera si, Roku dhe Amazon Fire TV. 

Udhëheqësit e Apple nuk kanë bërë të ditur ndonjë çmim të këtyre shërbimeve, si dhe nuk dihet ende nëse ato do të jenë në dispozicion edhe për pajisjet me Android. Përveç shërbimit “Apple TV+”, në muajin maj, kompania gjigante Apple do të lansoi edhe platformën digjitale “Apple TV Channels”, e cila u mundëson përdoruesve të abonohen në mënyrë individuale, përcjell albinfo.ch

Në platformën “Apple TV Channels”, në dispozicionin e shikuesve do të jenë të gjitha projektet e kanaleve HBO, Showtime, Starz dhe të tjerë.