Bota

Arabia Saudite kërcënon Katarin me ndërhyrje ushtarake

Arabia Saudite ka kërcënuar me “ndërhyrje ushtarake” Katarin, nëse kjo e fundit merr sistemin mbrojtës antiraketor rus S-400. Lajmi është konfirmuar nga e përditshmja franceze “Le Monde” e cila citon letrën e dërguar nga Rijadi për presidentin francez Emmanuel Macron. Mbreti Salman “është tepër i shqetësuar” për këtë.

Mbretëria saudite i ka kërkuar palës franceze që të ndërpresë marrëveshjen mes Katarit dhe Rusisë, pasi kjo po tensionon rajonin, përcjell albinfo.ch.

Arabia Saudite, Emiratet, Bahrejni dhe Egjipti kanë ndërprerë të gjitha marrëdhëniet me Katarin nga qershori i vitit të kaluar, me arsyetimin se mbretëria e Katarit mbështet grupet radikale muslimane dhe ka marrëdhënie të mira me Iranin. Katari ka ofruar zgjidhje me shtetet fqinje, por “jo me çmimin e pavarësisë” së vendit.