Lajme
Ariu “arratiset” nga avioni në aeroportin e Dubait
Tentativa e autoriteteve irakiane për të kënaqur egon e kryeministrit të tyre Mohammed Shayya’ Sabbar al Sudani, duke i sjellë një ari për ta mbajtur në pallatin e tij në Bagdad, ka dështuar me sukses.
Ariu që ndodhej brenda një kafazi në një avion që fluturonte nga Dubai për në kryeqytetin irakian me një avion të “Iraqi Airways”, çuditërisht është “arratisur”.
Kompania ajrore pretendon se nuk janë ata fajtorë për arratisjen e ariut nga kafazi i tij teksa avioni priste të ngrihej nga Aeroporti Ndërkombëtar i Dubait të premten.
Por, raportimet e mediave sqarojnë se kryeministri i Irakut është “tërbuar” pasi mori vesh lajmin duke urdhëruar një hetim mbi mënyrën se si ariu iku nga kafazi.
Lideri irakian tani kërkon të dijë se kush është përgjegjës për nxjerrjen e ariut të tij nga vendi ku imbarkohen bagazhet në avion, transmeton A2 përcjell albinfo.ch.
Sa i përket fluturimit në fjalë, ai u vonua pasi autoritetet dërguan specialistë për të qetësuar kafshën dhe për ta hequr atë nga avioni.
Një videoklip që qarkullon në mediat sociale tregoi kapitenin e avionit duke u kërkuar falje pasagjerëve për vonesën e ngritjes të së premtes për shkak të çështjes së ariut.
Linja ajrore tha se ariu po transportohej nga Bagdadi në Dubai, por një zyrtar i Iraqi Airways, duke folur në mënyrë anonime, konfirmoi se ariu po transportohej në drejtimin e kundërt, pra drejt kryeqytetit irakian.
Mbajtja e kafshëve grabitqare si kafshë shtëpiake në Irak – veçanërisht në Bagdad – është bërë e njohur në mesin e të pasurve dhe autoritetet kanë luftuar për të zbatuar dispozitat ligjore për të mbrojtur kafshët e egra.
Aeroporti Ndërkombëtar i Dubait, më i ngarkuari në botë për udhëtime ndërkombëtare, nuk pranoi të komentojë rastin.
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit