Arrestohen dy shqiptarë, po transportonin 1.2 ton kanabis!

Dy qytetarë të Vlorës janë arrestuar nga policia italiane pasi po transportonin 1.2 ton kanabis me vlerë rreth 12 milionë euro

Policia italiane ka ndërmarrë një aksion të madh anti-drogë, duke arrestuar dy trafikantë shqiptarë.

Sipas mediave italiane të arrestuarit janë H.E. 37 vjeçar dhe M.H. 34 vjeçar nga qyteti i Vlorës, theksojnë mediat shqiptare.

Ata po transportonin drogën me skafe dhe pasi kanë mësuar se po ndiqen nga policia e kanë hedhur në det, përcjell albinfo.ch.

Megjithatë, kjo ka qenë e kot dhe dy shqiptarët janë arrestuar. Ata akuzohen për transport të lëndëve narkotike. Mësohet se ngarkesa që po transportonin ishte 1.2 tonë kanabis, që kap vlerën e rreth 12 milionë euro.