Kosova
Arrestohen tre gazetarë nga shtetet e ish-Bashkimit Sovjetik
Të arrestuarit janë Juri Georgijeviq nga Letonia, Robion Denisov dhe bashkëshortja e tij Vera nga Estonia, të cilët dyshohet se në vijimësi kanë bërë fushatë kundër Kosovës në mediet ruse
Policia e Kosovës nga rajoni i Gjilanit ka arrestuar sot ( e mërkurë) tre gazetarë me prejardhje nga shtetet e ish Bashkimit Sovjetik. Të arrestuarit janë Juri Georgijeviq nga Letonia, Robion Denisov dhe bashkëshortja e tij Vera nga Estonia, të cilët dyshohet se në vijimësi kanë bërë fushatë kundër Kosovës në mediet ruse.
Ata janë arrestuar në rrugën magjistrale, pasi që më herët kishin bërë një intervistë me prefektin e Parteshit, Dragan Nikoliq në zyrën e tij në Pasjan.
Lajmin e ka konfirmuar zëvendësdrejtori rajonal i Policisë Shaban Azizi, sipas të cilit, arsyeja e shoqërimit të tre personave në Polici, një me shtetësi letoneze dhe dy estoneze, është që të kuptohet nëse ata kanë hyrë ilegalisht apo legalisht në Kosovë.
“Ne kemi qenë të informuar se ata kanë hyrë shumë ditë më herët në Kosovë, por pasi që kanë bërë disa lëvizje nëpër territorin tonë jemi të interesuar arsyen e qëndrimit këtu”, tha Azizi.
Të arrestuarit po qëndrojnë qe disa ditë në Kosovës dhe duke vizituar kisha dhe manastire serbe dhe sipas mediave serbe, kjo nuk ishte vizita e tyre e parë në Kosovë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit