Lajme
Arsim Gjergji zgjidhet asamblist në Komunën e Gracit
Ai bëhet shqiptari me pozitën më të lartë në politikën austriake
Për Arsim Gjergjin sot ka qenë një ditë e lumtur. Ai, edhe zyrtarisht është betuar si asamblist në komunën e Gracit. Këtë ulëse, Arsimi e ka fituar pas një zëvendësimi në asamble nga ana e partisë, por edhe duke qenë prej shumë vitesh anëtar i partisë Socialdemokrate të Austrisë (SPÖ) dhe pjesëmarrës i rregullte në zgjedhjet e kësaj komune. Më këtë rast, Arsim Gjergji bëhet shqiptari me pozitën më të lartë në politikën austriake.
Lajmin për zyrtarizmin e tij si asamblist në Komunën e Grazit (Grazer Gemeinderat) e ka bërë të ditur edhe me anë të rrjeteve të tij sociale:
„Jam shumë i lumtur të njoftoj se sot u betova zyrtarisht si asamblist i Gracit nga partia SPÖ. Kjo është një ditë shumë e veçantë për mua dhe do të doja të përfitoj nga rasti të falënderoj të gjithë mbështetësit nga zemra. Besimi juaj do të thotë shumë për mua dhe është një kënaqësi dhe nder i madh të kryej këtë rol të përgjegjshëm për të gjithë njerëzit në Grac dhe të ndihmoj në formimin e zhvillimit të qytetit të Gracit“, shkruan ai, raporton albinfo.at.
„Jam i vetëdijshëm për përgjegjësinë e madhe që vjen me këtë rol të ri! Unë premtoj se do t’ua kushtoj gjithë energjinë time nevojave, dëshirave dhe ideve të banorëve të Gracit“, thekson Arsimi në vazhdim.
I kontaktuar nga albinfo.at, Arsimi premtoi se do të jetë një zë i fuqishëm edhe për komunitetin shqiptar duke shpresuar që së bashku të arrin të jenë një komunitet i fuqishëm dhe i mirintegruar në Grac dhe jo vetëm.
Arsim Gjergji njihet si aktivist i devotshëm jo vetëm në politikën austriake, por edhe në komunitetin shqiptar.
Ndryshe, ai është gastronom, pronar i restorantit “Eleven” në qytetin e Gracit si dhe menaxher i Shtëpisë së Kulturës në Gatkorn.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse