Ekspozita
Arti, në ndërveprim me Inteligjencën Artificiale
Në aktivitetin që mbahet më 8 shkurt, artisti multimedial Shuk Orani flet paraqitet me një avatar për temën "Inovacioni përmes artit dhe AI - Si ndikon inteligjenca artificiale në art?”
![](https://www.albinfo.ch/wp-content/uploads/2024/02/shukorani-2-582x396.png)
Një aktivitet artistik që do të zhvillohet në Hamburg, më 8 shkurt 2024, nga ora 17:00 deri në 20:00, i kushtohet ndërveprimit në mes të artit dhe Inteligjencës Artificiale. Arti është një pasuri e çmuar në shoqëri që ndryshon vazhdimisht dhe është pjesë e kulturës dhe identitetit tonë. Sa e ndikon drita përvojën tonë të një vizite në galeri dhe çfarë rëndësie ka inteligjenca artificiale në perceptimin dhe komunikimin e artit?
Eventi me emrin @ercolighting ju fton të bëni një ekskursion në botën e larmishme të mundësive dhe ofron një pamje të gjerë të temës me dy leksione nga folës që ndryshojnë shumë mes vete, shkruan albinfo.ch. Kështu, Matthew Cobham (ERCO Cluster Manager Culture) flet për temën “Drita si një mjet i gjithanshëm për marketingun e artit” (në anglisht) ndërsa artisti multimedial Shuk Orani @shuk_orani flet me një avatar për temën “Inovacioni përmes artit dhe AI – Si ndikon inteligjenca artificiale në art?”.
Siç e konfirmon për albinfo.ch edhe Shuk Orani, njëri nga autorët e projektit, artisti tashmë i njohur shqiptar që krijon në Hamburg, Gjermani, bëhet fjalë për më shumë se një projekt artistik. “Përtej artit, këtu kemi të bëjmë edhe me një inovacion, i cili mund të shërbejë jo vetëm në fushë të artit, si në ekspozita dhe evente të tjera artistike, por mund të jetë i dobishëm edhe për veprimtari të tjera, në prodhim e biznes”, thotë ai.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n