Integrimi
Artistja shqiptare shpërfaq në ekspozitën e saj pasionin për njeriun
Dashuria e ka sjellë atë në Zvicrën qendrore, ku prej 25 vitesh ndjek pasionin e saj në mënyrë profesionale. Fjala është gjithmonë për artisten nga Shqipëria Kadrie Rodenhäuser e cila jeton dhe krijon në Zvicër
Magjepsja për njerëzit dhe pasioni për krijimin e veprave të cilat i përjetësojnë po këta njerëz në trajtën e tyre unike, e kanë bërë artiste. Ndërsa dashuria e ka sjellë atë në Zvicrën qendrore, ku prej 25 vitesh ndjek pasionin e saj në mënyrë profesionale, shkruan gazeta “St.galler Tagblatt”. Fjala është gjithmonë për artisten nga Shqipëria Kadrie Rodenhäuser e cila jeton dhe krijon në Zvicër.
Gjatë kësaj kohe Rodenhäuser ka provuar, kombinuar dhe zhvilluar më tej shumë teknika tradicionale dhe moderne të punës artistike, transmeton albinfo.ch. Synimi i saj pas riprodhimit të këtyre çasteve të cilat kanë lënë përshtypje kaq të forta te ajo sa që duhet të krijojë një vepër arti mbi atë motiv, e ka ndjekur atë që nga koha e studimeve në Shkollën e Artit në Elbasan dhe pastaj në Shkollën e lartë në Lucern. Kështu, nuk duhet të na habisë fakti se punimet e saj karakterizohen nga një mjeshtri dhe akribi.
Në serinë e saj të re të ekspozitave “Facetten” (Aspekte), artistja nga Emmenbrücke tregon një detaj të vogël nga vepra e saj e gjithmbarshme. Aty shohim të shumtën skulptura në mellë dhe grafika, të cilat merren me temën e njeriut në trajtën e tij më të natyrshme të lakuriqësisë, me çka shikuesit i ofrohet sa një shikim i pamaskuar në qenien e lëndueshme të njeriut po aq edhe një shijim i patrazuar estetik.
“Unë kam qenë gjithmonë e fascinuar nga potenciali që ka teknika e mirë e shtypjes dhe dëshiroja që ta realizoja patjetër një ekspozitë në këtë drejtim”, thotë galeristja Mirjam Hadorn, në galerinë e së cilës është hapur ekspozita, përcjell albinfo.ch. Me litografitë dhe gdhendjet e Kadrie Rodenhäuser ajo ia ka arritur qëllimit.
Përzgjedhja e veprave për këtë ekspozitë ndoshta nuk është krejtësisht adekuate në raport me krijimtarinë e gjerë të zonjës Rodenhäuser në përgjithësi, e cila përfshin edhe pikturën me vaj, akuarelin dhe vizatimet. Por në këtë mënyrë bie më shumë në pah vlera e lartë artistike e grafikave me shtypje dhe skulpturave të prezantuara këtu. Trajtat artistike të menduara si të harruara, në kërkimin tonë të amshueshëm pas qenies sonë, përfitojnë sërish aktualitetin dhe përjetësinë e tyre.
Ekspozita, vernisazhi i së cilës është mbajtur më 4 shkurt qëndron e hapur deri më 11 mars në Galerinë Hadorn në Lichtensteig. Ajo mund të vizitohet të premteve nga ora 14 deri në orën 18 dhe të shtunave, 10-16, ose sipas marrëveshjes.
(Fotot: facebook)
Biografi e shkurtë:
- Emri e mbiemriKadrie Rodenhäuser
- Prejardhja:Elbasan, Shqipëri
- Vendi ku vepron:Lucern, Zvicër
- Profesioni:Piktore
Të tjera nga Integrimi
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?