Kosova
Atëherë kur plagët e një diplomate vlejnë më shumë se jeta e katër kosovarëve
Në të gjithë mediat që prej mbrëmjes së djeshme, po qarkullon lajmi se ambasadorja turke në Kosovës, Kivilcim Kiliç është përfshirë në një aksident tragjik në aksin Prishtinë-Gjilan.
Fillimisht jepen detaje për gjendjen e saj shëndetësorë dhe më pas kalohet në pjesën e dytë të lajmit. Dhe pjesa e dytë e lajmit është ky: Në aksidentin në fjalë paskan humbur jetën edhe tre shtetas të tjerë.
Në fakt, në çdo shkollë gazetarie mësohet se në krye të lajmit duhet të jetë fakti që kanë humbur jetën tre persona dhe andej nga mesi i tij thuhet se një ndër të plagosurit është pikërisht ambasadorja e Turqisë në Kosovë, shkruan ‘albue’.
Gjithashtu, duket se dikush është i interesuar që të mos japë të gjitha të vërtetat e këtij aksidenti duke mos thënë se në fakt ishte eskorta e ambasadores turke, e cila po ecte me shpejtësi jashtë normave të lejuara ajo që shkaktoi aksidentin tragjik me tre të vdekur në Kosovë (më vonë ka vdekur edhe personi i katërt), përcjell albinfo.ch.
Ndryshe nga sa e ka praktikë, kësaj radhe Policia e Kosovës kursehet në dhënien e informacionit dhe mediat janë të detyruara t’i referohen burimeve dytësore siç janë dëshmitarët apo ndonjë polic që ka parë me sytë e tij se çfarë ka ndodhur!
Lajmi nuk ka kombësi! Aq më pak jeta dhe vdekja! Zoti i dhëntë forcë familjarëve të të vdekurve në aksidentin tragjik në aksin Prishtinë-Gjilan dhe i udhëzoftë autoritetet përgjegjëse që të mos vlerësojnë më shumë plagët e një diplomateje se sa jetët e tre kosovarëve!
Të ngjashme
Të tjera nga Kosova
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën