Austri: Hipp u shantazhua – është gjetur helm për minj në kavanozat e qelqit

Sipas autoriteteve austriake, individë të panjohur po e shantazhojnë prodhuesin e ushqimit për foshnje Hipp me një kërcënim për helmim nga minjtë

Një kavanoz me ushqim për fëmijë Hipp i kontaminuar me helm për minjtë është gjetur në Austri. Një klient e raportoi këtë dhe “nuk ka pasur konsumim”, njoftoi policia në shtetin federl Burgenland të shtunën vonë në mbrëmje. Është lëshur një “paralajmërim urgjent për publikun”, shkruan srf.ch.

Sipas autoriteteve austriake, individë të panjohur po e shantazhojnë prodhuesin e ushqimit për foshnje Hipp me një kërcënim për helmim nga minjtë.

Agjencia Austriake për Shëndetin dhe Sigurinë Ushqimore raporton se tre supermarkete në Austri dhe Republikën Çeke janë prekur mg kjo. Hipp kishte tërhequr tashmë të gjithë gamën e produkteve të saj nga dyqanet Spar si një masë paraprake, të premten.

Kompania e përshkruan kërcënimin si një akt kriminal të manipulimit; konsumimi i produkteve të kontaminuara mund të jetë kërcënues për jetën.

Kërcënimi ka të bëjë me një degë në Eisenstadt, Austri, dhe dy dyqane Tesco në Republikën Çeke. Policia ka nisur një hetim.

---