Kosova
Austria e konsideron të paqëndrueshme situatën në Kosovë
![](https://www.albinfo.ch/wp-content/uploads/2022/12/screenshot_20221225-144129_facebook-421x396.jpg)
Situata e sigurisë në Kosovë po cilësohet e paqëndrueshme nga shteti austriak. Ministrja e Mbrojtjes e Austrisë, Klaudia Tanner, gjatë ditës së djeshme ka folur së bashku me shefin e Shtabit të Përgjithshëm, Rudolf Striedinger, përmes video-konferencës me komandantët në misionet e huaja të Forcave të Armatosura Austriake.
Ministrja u informua për situatën aktuale të sigurisë në vendet veç e veç ku shërbejnë ushtarët austriakë si dhe për misionet përkatëse të ushtarëve, bëhet e ditur nga njoftimi i ministrisë.
Në këtë diskutim, ministrja Tanner vlerësoi se situata në Kosovë nuk është e qëndrueshme.
“Javët e fundit në veçanti kanë dëshmuar se situata në Ballkanin Perëndimor në përgjithësi, e në veçanti në Kosovë, nuk është e qëndrueshme. Trazirat e përsëritura ilustrojnë se sa thelbësisht e rëndësishme është prania e organizatave ndërkombëtare dhe kontributi ynë austriak”, tha ministrja Tanner.
Austria aktualisht ka 790 ushtarë të dislokuar jashtë vendit në 14 misione; nga të cilat 25 janë gra. Kontingjentet më të mëdha janë në Kosovë (KFOR, 314 persona), Bosnjë e Hercegovinë (EUFOR, 293 persona) dhe Liban (UNIFIL, 205 persona).
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n