Lajme

Austria nga 1 nëntori do të kërkojë certifikatën e vaksinimit

Kaq janë dënimet për ata që s’i kanë

Mësohet se nga data 1 nëntor shumica e punonjësve në Austri do të duhet të dëshmojnë se janë vaksinuar, janë testuar dhe kanë rezultuar negativ për virusin ose se janë shëruar nga COVID-19, përcjell albinfo.ch.

Autoritetet shëndetësore do të kontrollojnë në vend nëse punonjësit respektojnë rregullat.

Nëse nuk tregon vërtetim, punonjësi mund të gjobitet me 500 euro, ndërsa punëdhënësi me 3600 euro, tha ministri i Punës, Martin Kocher.

Përjashtim bëjnë punëtorët që nuk vijnë në kontakt të rregullt me njerëz të tjerë, siç janë shoferët e kamionëve.

Pasi mesatarja shtatëditore ishte nën 150 të infektuar për javë, ajo është rritur ditët e fundit dhe kohët e fundit arriti në 183 të infektuar.

Gati 62 për qind e popullsisë së përgjithshme është vaksinuar plotësisht.


LAJME INTERESANTE NGA INTERNETI