Kosova
Austria refuzon ta mbulojë Kosovën me Karton të Gjelbër
Drejtues të Byrosë Kosovare të Sigurimit kanë bërë të ditur se mbetet shqetësues numri i veturave të pasiguruara në trafik
Hyrja e Kosovës në Organizatën e Kombeve të Bashkuara (OKB), është kushti i vetëm që ka mbetur për anëtarësim në Këshillin e Byrove për Kartonin e Gjelbër në Bruksel, edhe pse Kosova ka krijuar bazë ligjore, duke mbledhur 4 milionë euro fond rezervë.
Kosova vazhdon të mbetet pa alternativë rreth këtij sigurimi. Drejtori ekzekutiv i Byrosë Kosovare të Sigurimit, Blerim Pushkolli, ka thënë se kanë marrë një përgjigje nga Austria, e cila ka refuzuar pranimin apo mbulimin e Kosovës me Karton të Gjelbër.
“Sa i përket përpjekjeve të Kosovës për anëtarësim në Këshillin e Byrove, kemi marrë një përgjigje nga Shoqata e anëtarëve në Austri, e cila ka refuzuar pranimin apo mbulimin e Kosovës me këtë sigurim dhe kjo është për arsye se është konsideruar si rrezik për anëtarët e vet”, ka thënë Pushkolli, raporton “Evropa e Lirë”.
Drejtues të Byrosë Kosovare të Sigurimit kanë bërë të ditur se mbetet shqetësues numri i veturave të pasiguruara në trafik, e që është mes 35 deri 50 mijë, përcjell albinfo.ch.
Sipas Pushkollit, automjetet e pasiguruara paraqesin vazhdimisht rreziqe në komunikacion dhe dëmton buxhetin e shtetit. Pushkolli ka mohuar që kolonat e gjata po krijohen në kufi nga mërgimtarët për shkak të blerjes së policës në kufi.
Ai shtoi se mërgimtarët janë të informuar nëpërmjet një memorandumi që ka pasur BKS-ja me Ministrinë e Punëve të Brendshme dhe Ministrinë e Diasporës, ndërsa kjo e fundit ka marrë përsipër sensibilizimin e opinionit për shitjen e policës online, por ka sqaruar se pritjet e gjata në kufi, kanë të bëjnë më tepër me kontrollet rutinore të policisë në të dyja anët e kufirit.
Të ngjashme
Të tjera nga Kosova
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?