Lajme

Austriakët e pasur kanë humbur 15 miliardë euro për shkak të koronës

Kriza mbi koronavirusin ka goditur rëndë edhe austriakët e pasur, të cilët kanë humbur miliarda euro, shkruan Albinfo Austria.

Austria aktualisht ka 41 miliarderë, dhe efektet e krizës në bursat dhe dividentët po ndikojnë në pasurinë e tyre.

Në krahasimin vjetor, aktivet e tyre u ulën për nëntë për qind, ose 15 miliardë, në 155 miliardë euro.

Sidoqoftë, austriakët më të pasur nuk kanë pse të shqetësohen.

Lista e këtij viti e 100 austriakëve më të pasur kryesohet nga familjet “Porsche” dhe PIH, pasuritë e të cilave vlerësohen në 34.8 miliardë euro.

Në krahasim me vitin e kaluar, ata humbën 2.2 miliardë euro.

Themeluesi i Red Bull është menjëherë pas tyre me fonde prej 14.7 miliardë eurosh, dhe ai pësoi një humbje prej rreth një miliard eurosh.

Të gjithë ata midis 100 austriakëve më të pasur kanë pësuar humbje të ngjashme.