Lajme

Austriakët, pushimet këtë vit preferojnë t’i kalojnë në Austri

Parashikimet tregojnë se shumica e austriakëve planifikojnë që pushimet verore këtë vit t'i kalojnë në vendin e tyre. Sipas agjencive që organizojnë pushime, malet dhe liqenet janë vendet më të kërkuara për t’i kaluar pushimet verore gjatë këtij viti.

Të enjten e kaluar në Austri ishte ditë feste. Për shumë punëtorë këtë ditë pushimi e lidhen së bashku me ditët e vikendit. Kjo fundjavë tregoi më së miri edhe preferencat e austriakëve për të pushuar. Kudo ku keni kërkuar për të kaluar disa net në hotele, qoftë në Salzkammergut apo në Kärtnersee (Liqeni Kärtner), ishte vështirë të rezervoni dhoma. Hotelet e mira ishin të rezervuara plotësisht, ndërkohë restorantët e mira duhej të rezervoheshin deri në 14 ditë më herët.

Kathrin Lampl nga agjensioni turistike TUI ka bërë me dije se liqenet dhe malet në Austri janë në “trend” të pushuesve për këtë vit. “Tirol, Kärnten dhe Salzburg si duket do të janë përfituesit më të mëdhenj. Kërkesat më të shumta janë për t’i vizituar vendet e këtyre “landeve”, shkruan heute.at, përcjell Albinfo Austria.

Vjenezët gjithashtu janë të orientuar që këtë vit të bëjnë pushime të shkurtra në zonat përreth. Kjo për arsye të sigurisë dhe që mund të udhëtojnë më makinat e tyre, pa u shqetësuar se mund ta marrin ndonjë virus nga udhëtimet me njerëz të tjerë.

E kur bëhet fjalë për udhëtimet ajrore, sipas zëdhënësit të agjensionit TUI, Greqia është favorite. Vendet si: Kreta apo Rodoja, por edhe ishujt si Skyros janë vende të preferuara për austriakët. Po ashtu kërkesa për të kaluar pushimet ka edhe në detin e Kroacisë dhe atë të Italisë, veçanërisht vendet që janë më afër me Austrinë si: Jesolo, Bibione dhe Caorle.