Lajme
BAG flet për 432 viktima të koronavirusit në Zvicër
Ndërkohë që Platforma Worldometer.info ka dhënë tashmë shifrën prej 505 të vdekurve nga kjo sëmundje
Konferencën e rregullt për media që mbahet çdo ditë në Qendrën Federale të Mediave në Bernë, e ka hapur Daniel Koch nga BAG, shkruan srf.ch.
“Mr. Corona” siç identifikohet tashmë nga mediat, që nga e mërkura nuk është më shef i departamentit të sëmundjeve ngjitëse, sepse më 1 prill ka dalë në pension, transmeton albinfo.ch. Titulli i tij i ri është delegat i BAG për Covid-19 dhe ai do të vazhdojë të përfaqësojë Zyrën Federale para publikut.
Në fillim, Koch raporton numrin aktual të rasteve të infektimit me coronavirus, të cilat kanë shënuar një rritje. Janë 18.267 infeksione të konfirmuara, 1128 më shumë se një ditë më parë. Numri i rasteve po luhatet rreth 1.000 infeksione të reja në ditë. Një trend i tillë nuk tregon rritje të madhe por as ulje të numrit, ka thënë Koch.
Numri i viktimave ndërkaq, sipas të dhënave të BAG ka arritur në 432. Të kujtojmë: Platforma Worldometer.info ka dhënë tashmë shifrën prej 505 të vdekurve nga koronavirusi në Zvicër, shkruan albinfo.ch.
Kulmi sigurisht nuk është arritur ende, thotë Koch, “por ngjitja nuk është më aq e lartë”. “Sigurisht, është ende shumë herët për të bërë një parashikim të besueshëm se si do të jetë gjendja në javët e ardhshme” ka thënë ai më tutje.
Strategjitë për masat që duhen marrë në të ardhmen do të diskutohen tashmë në BAG. Por, është “me siguri shumë herët” për të qetësuar masat.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit