Lajme
Situata epidemiologjike në Zvicër është përmirësuar, BAG nuk i di arsyet!
Hapat e rinj të hapjes deri më tani nuk kanë çuar në ndonjë rritje të numrit të rasteve. BAG nuk di me siguri se çfarë e ka përmirësuar situatën
Virginie Masserey, Shefe e Seksionit të Kontrollit të Infeksioneve në Zyrën Federale të Shëndetit Publik (BAG), ka hapur sot konferencën e rregullt për media në Bernë, raporton srf.ch.
“Për fat të mirë, situata epidemiologjike në Zvicër është më e mirë. Kjo situatë është stabilizuar gjatë dy muajve të fundit”, ka thënë Masserey, duke ju drejtuar gazetarëve të pranishëm, transmeton albinfo.ch.
Besojmë se popullata po vazhdon të respektojë masat e mbrojtjes. Hapat e rinj të hapjes deri më tani nuk kanë çuar në ndonjë rritje të numrit të rasteve.
“Arsyeja për këtë është e vështirë të thuhet”, ka shtuar Masserey duke ju përgjigjur gazetarëve lidhur me stabilizimin e konstatuar të gjendjes.
Ka ndoshta disa faktorë për këtë. “Ndoshta vaksinat janë duke treguar efektin fillestar. Ndoshta ky stabilizim po ndodh për shkak të motit të mirë dhe faktit që ne kalojmë më shumë kohë jashtë”, përcjell albinfo.ch. Apo ndoshta njerëzit po bëjnë më shumë vetë-teste ose teste të shpejta. Ose përhapja e virusit po kontrollohet më mirë.
Sidoqoftë “është një zhvillim pozitiv. Por nuk ka asnjë garanci se do të vazhdojë kështu”, thotë Masserey. Edhe më tutje është e rëndësishme t’u përmbahemi masave.”
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?