Bajerni e dëshiron Xhakën

Granit Xhaka shfaqet sot i buzëqeshur në ballinën e gazetës më të madhe gjermane Sport bild, duke dhënë një lajm të mirë.

keystone

Gazeta gjermane shkruan se Bajern Munihu është në ndjekje të futbollistit me origjinë nga Kosova, Granit Xhaka. Klubi më i suksesshëm gjerman e sheh Xhakën si zëvendësues të Xabi Alonsos, të cilit kontrata i skadon në verë të vitit të ardhshëm.
Që në verën e kaluar drejtori teknik i Bajernit, Michael Reschke, është në kontakt me menaxherin e futbollistit shqiptar të përfaqësues zvicerane. Edhe Matias Sammer, njëri nga personat me ndikim në stafin e klubit, ka deklaruar tashmë publikisht. “Granit Xhaka, ashtu si edhe të tjerët, janë duke u vëzhguar nga Bajerni”, shkruan gazeta gjermane.

Në anën tjetër, Bajerni është duke u munduar të zgjasë kontratën me futbollistin spanjoll. Bosi i klubit Rummenige ka konfirmuar se kohët e fundit ka pasur një bisedë më Alonson.

Në lidhje me këtë temë, edhe Xhaka është deklaruar: “Sigurisht se nuk do të doja të ndryshoja klub, qoftë në Bajern apo diku tjetër, nëse e dija se do të jam i katërti apo i pesti në mesfushë”, përcjell albinfo.ch.

Albinfo.ch