Kosova
Ballinat e mediave botërore për rrëzimin e Qeverisë në kohë pandemie
Kusari-Lila publikon ballinat e mediave botërore për rrëzimin e Qeverisë në kohë pandemie: “Historia do t’i gjykojë ata që e sollën këtë ditë”
Deputetja nga Lëvizja Vetëvendosje, Mimoza Kusari-Lila, thotë se dje ndodhi maskarada politike në mes krizës dhe luftës me pandeminë globale.
Ajo përmes një postimi në Facebook,i ka publikuar disa nga ballinat e mediave botërore, që kanë shkruar për rrëzimin e Qeverisë Kurti në kohë të pandemisë COVID-19.
“Mirëmëngjesi Kosova jonë, dje ndodhi maskarada politike në mes të krizës dhe luftës me pandeminë globale. Ashtu sikur e prezentova në fjalimin tim dje, sot Kosova u zgjua me lajmin për rrëzimin e Qeverisë në mes të pandemisë, në të gjitha mediat botërore”, ka shkruar Kusari-Lila, raporton KOHA.
Dje, Kusari-Lila gjatë fjalimit të saj në seancën ku votohej për mocionin e mosbesimit ndaj Qeverisë Kurti tha se Parlamenti, zyrtarisht, do të hyjë në histori me veprimet e bëra.
“Fotografitë e sotme do të jenë në të gjitha mediat ndërkombëtare. I vetmi shtet në botë që mblidhet për mocion në kohë të koronavirusit. I vetmi vend sot që nuk tregon asnjë argument për veten si shtet”, tha dje ndër tjera Kusari-Lila.
Sot, shkruan deputetja, “jam e sigurt se historia do të gjykojë ata që e sollën këtë ditë, por gjithashtu kurrë më e sigurt nuk kam qenë se energjia dhe gatishmëria jonë për të vazhduar betejën për Kosovën shtet i zhvilluar dhe shtet i së drejtës nuk ka qenë më e madhe”.
“Dje ishte vetëm një betejë në numrin e gjatë të tyre që duhet të bëjmë për vendin tonë. Do të kemi edhe shumë të
tjera me fitore për Kosovën dhe njerëzit e saj. Të ❤️ Kosovë”, ka shkruar Kusari-Lila.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?