Lajme
Bangladeshi, shteti i 114 që njeh pavarësinë e Kosovës
“Kanë qenë vite përpjekjesh për të lobuar dhe marrë këtë njohje. Faleminderit. Tani kemi 114 njohje", ka deklaruar shefi i diplomacisë kosovare, Enver Hoxhaj
Bangladeshi është shteti më i ri që ka njohur pavarësinë e Kosovës, duke ngritur në 114 numrin e shteteve që njohin realitetin e ri evropian. Lajmin e njohjes e ka konfirmuar Ministri i Jashtëm i Kosovës, Enver Hoxhaj, ndërsa e ka përshëndetur para Këshillit të Sigurimit të OKB-së, edhe ambasadorja e Kosovës, në SHBA, Vlora Çitaku.
“Bangladeshi njeh pavarësinë e Kosovës. Lajmi më është konfirmuar para pak çastesh edhe zyrtarisht. Kanë qenë vite përpjekjesh për të lobuar dhe marrë këtë njohje. Faleminderit. Tani kemi 114 njohje”, ka deklaruar shefi i diplomacisë kosovare, Enver Hoxhaj.
Po ashtu këtij lajmi i është gëzuar edhe ambasadorja e Kosovës në SHBA, Vlora Çitaku e cila në fjalimin saj para anëtarëve të Këshillit të Sigurimit të OKB-së, ku u diskua situata në Kosovë në tremujorin e fundit, falënderoi popullin dhe qeverinë e Bangladeshit për njohje.
“Më lejoni t’u them se Kosova është shtet i pavarur dhe sovran, e njohur nga pjesa dërmuese e shteteve të botës. Falënderoj edhe qeverinë dhe popullin e Bangladeshit që ka njohur sot Kosovën, por edhe Singaporin që njohu pavarësinë tonë në dhjetor”, ka shtuar Çitaku ndër tjera.
Republika Popullore e Bangladeshit është vend në Azinë jugore me kryeqytet Dhakan. Bangladeshi kufizohet me Indinë dhe Burmën (tani Mianmar) dhe është fqinje e Kinës, Nepalit dhe Butanit. Ka një popullsi mbi 141 milion banorësh, ndërsa shumica e popullsisë merren me bujqësi.
Të tjera nga Lajme
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
FMN: Zvicra duhet të forcojë kontrollin e sektorit të saj financiar Zvicrës i duhen “reforma të forta të sektorit financiar” pas shpëtimit të Credit Suisse nga UBS...
-
Numri i zviceranëve në mbarë botën u rrit me 1.7% në vitin 2023
-
Shtohet edhe një milioner në Zvicër: Fiton Jackpot-in 2.6 milionë franga
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve