Ekonomi
Banka më e madhe zvicerane rrit fitimet me 19 %
Rritja e të ardhurave përpara taksave në bankingun e investimeve si dhe performanca e fortë e biznesit të famshëm të menaxhimit të pasurisë, kanë sjellë të ardhura prej 1.51 miliardë franga në tremujorin e parë për bankën, duke thyer projeksionet e analistëve
Banka më e madhe në Zvicër, UBS, publikoi një rritje prej 19% të fitimit neto në tremujorin e parë, nxitur nga të ardhurat në njësinë e bankingut të investimeve, në një kohë të rritjes së luhatjeve në tregje.
Rritja e të ardhurave përpara taksave në bankingun e investimeve si dhe performanca e fortë e biznesit të famshëm të menaxhimit të pasurisë, kanë sjellë të ardhura prej 1.51 miliardë franga në tremujorin e parë për bankën, duke thyer projeksionet e analistëve.
Zhvillimet e shpejta në tregjet e kapitalit kanë nxitur rritjen e të ardhurave nga tregtimi i titujve të kapitalit.
“Kemi pasur një nisje fantastike për 2018-ën, me rezultatet që tregojnë përsëri fuqinë e biznesit tonë të diversifikuar”, tha kreu ekzekutiv, Sergio Ermotti, shkruan ‘Scan’.
Shumë banka të investimeve morën një goditje prej braktisjes së planeve nga firmat për të hyrë në tregje të reja. Megjithatë, UBS, ka patur rritje të biznesit gjatë tremujorit duke këshilluar klientët e korporatave, ndërsa transaksionet private kanë kompensuar për rënien e të ardhurave nga ofertat publike, përcjell albinfo.ch.
“Të ardhurat nga konsulenca u rritën në 186 milionë franga nga 166 milionë, gjë që reflekton të ardhura më të mëdha nga blerjet dhe shkrirjet e kompanive”, deklaroi banka.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër