Lajme
Banka Qendrore Europiane rrit normën e interesit
Fundi i parasë së lirë pa kufi në Eurozonë. Për herë të parë në 10 vjet, Banka Qendrore Europiane do të rrisë normat e interesit, duke ndjekur hapat e bankave të tjera qendrore, si ajo britanike dhe amerikane. Kjo do të hyjë në fuqi në korrik, e detyruar nga një armik global.
“Inflacioni i lartë është një sfidë madhore për të gjithë ne. Këshilli Qeverisës do të sigurohet që inflacioni t’i kthehet synimit tonë prej 2% në terma afatmesme. Në linjë me politikat tona, ne mendojmë të rrisim normat e interesit të Bankës Qendrore Europiane me 0.25 pikë përqindje, në takimin e korrikut”, tha presidentja Christine Lagarde.
Banka Qendrore Europiane i ka dhënë fund kështu një dekade me norma në rënie të interesit. Rritja e normës së korrikut do të jetë e para në 11 vjet, ku normat e interesit kanë qenë historikisht të ulëta. Që nga qershori 2014, norma e huasë ka qenë negative.
Banka pret që inflacioni të arrijë në 6.8% në 2022, që më pas do të duhet të shkojë në 3.5% më 2023 dhe të mbetet në nivelet e 2.1% në 2024, sërish mbi synimin.
Konflikti në Ukrainë i ka rritur çmimet në Europë dhe sidomos në vendet veriore dhe lindore, që janë më pranë Rusisë dhe Ukrainës.
Për ta frenuar këtë, Banka Qendrore Europiane i ka dhënë fund gjithashtu lehtësimit sasior, një strategji e politikës monetare, e vendosur për të adresuar krizën e vitit 2008, duke ulur normat e interesit, duke rritur ofertën monetare dhe duke nxitur më shumë kreditim për konsumatorët dhe bizneset. Lagarde e konsideron të përshtatshëm një ritëm gradual, por të qëndrueshëm të rritjes së mëtejshme të normave të interesit nga shtatori e në vazhdim./Euronews
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane