Barazon Zvicra, pëson Kosova

Zvicra ka barazuar me Gjermaninë, kurse Kosova është mundur nga Greqia

Kanë përfunduar ndeshjet e dyta në grupe në Ligën e Kombeve.

Kosova ka pësuar humbje nga Greqia në Prishtinë 1:2, në kuadër të Ligës së Kombeve, shkruan albinfo.ch.

Golin e parë për mysafirët e shënoi Limnios që në minutën e dytë të ndeshjes. Dardanët u munduan me disa raste të barazojnë rezultatin, por pa sukses. Goli i dytë për Greqinë e realizoi mbrojtësi Siovas në minutën e 51-të.

Por, Kosova nuk u dorëzua dhe ngushtoi shifrat me një super gol nga Bernard Berisha në minutën e 82-të. Kjo ishte e tëra nga kjo ndeshje. Greqia dhe Sllovenia kanë nga katër pikë, kurse Kosova dhe Moldavia nga një.

Ndërkohë, Zvicra ka barazuar me Gjermaninë 1:1. Golin e parë e ka realizuar Gundogan në minutën e 14-të. Ndërkohë, Ëidmer barazoi shifrat në 1:1 në minutën e 58-të. Granit Xhaka ishte kapiten dhe luajti për 90 minuta, derisa Albian Ajeti nuk u inkuadrua fare.

 

 

 

---