BE, 2.4 miliardë dollarë shteteve anëtare për trajtimin e refugjatëve

Bashkimi Evropian u vë në dispozicion shteteve anëtare 2.4 miliardë euro për zgjerimin dhe rritjen e sistemit të mbrojtjes së refugjatëve në vendet përkatëse. Nga kjo shumë, Italia do të përfitojë më së shumti ose 560 milionë euro dhe menjëherë pas saj do të jetë Greqia me 474 milionë euro, ka bërë të ditur të hënën Komisioni i BE-së.

Në dy shtetet e përmendura gjatë këtij viti kanë zbarkuar afër 200 mijë migrantë të cilët ia kishin mësyrë Evropës përmes rrugës detare, shkruan nzz.ch. Mendohet se gjatë kësaj rruge kanë humbur jetën në det rreth 2000 persona.

Ndihmat financiare të BE-së do të praktikohen deri në vitin 2020 për të zgjeruar kampet për pranimin e refugjatëve, për të përmirësuar procedurat e azilit, për integrimin më të mirë të të ardhurve dhe për t`i dëbuar më shpejt personat me vendim për të lëshuar vendet në fjalë. Pritet po ashtu që me paratë e lëna në dispozicion të përmirësohet edhe shkalla e sigurisë në kufijtë e jashtëm të BE-së.