Lajme
Benedict e Zvicrës, marrëveshje në Egjipt për arsimimin në hoteleri
Në ceremoninë e nënshkrimit kanë qenë pjesëtarët e një delegacioni zviceran të udhëhequr nga Këshilltari Federal (ministri) i Zvicrës, Guy Parmelin. Duhet të theksohet se pjesë e Bordit Menaxhues të Grupit të Edukimit “Benedict”, për më shumë se dy dekada janë edhe dy vëllezërit kosovarë, Arsen dhe Arben Shoshi.
Kajro, Egjipt. Shkolla Zvicerane e Hotelerisë B.H.M.S. ka nënshkruar të premten një marrëveshje me Universitetin Badr (BUC) në Kajro për transferimin e aftësive profesionale në degën e hotelerisë. Kjo marrëveshje është mundësuar nga “rainbow unlimited”, një partner i B.H.M.S. për zhvillimin e biznesit, shkruan albinfo.ch.
Në ceremoninë e nënshkrimit ka pasur një prani të nivelit të lartë, si nga Zvicra ashtu dhe nga Egjipti. Aty kanë qenë pjesëtarët e një delegacioni zviceran të udhëhequr nga Këshilltari Federal (ministri) i Zvicrës, Guy Parmelin, i cili aktualisht ndodhet për një vizitë zyrtare në Egjipt. Po ashtu, pjesë e ceremonisë së nënshkrimit ka qenë edhe S.E. Hisham Tawfik, Ministër egjiptian për Sektorin e Ndërmarrjeve Publike, dhe përfaqësues të tjerë të qeverisë egjiptiane por edhe të sektorit privat
B.H.M.S. Shkolla për Menaxhim të Hotelerisë në Lucern është pjesë e Grupit të Edukimit “Benedict”.
Ky partneritet e vë në pah rolin e B.H.M.S. në zhvillimin e ofertës së saj për edukimin në lëmin e hotelerisë në vendet afrikane. “Jam i kënaqur që kemi mundësinë të punojmë me një universitet aq të spikatur si BUC (Badr-Universität, Kairo), i cili ka të njëjtin vizion në ofrimin e arsimit nga fusha e hotelerisë me cilësi të lartë për studentët. Ky është një hap i rëndësishëm në zhvillimin tonë strategjik “offshore” në kontinentin afrikan dhe përgjithësisht në nivel ndërkombëtar”, shprehet Heinrich Meister, kryetar i BHMS.
Duhet të theksohet se pjesë e Bordit Menaxhues të Grupit të Edukimit “Benedict”, për më shumë se dy dekada janë edhe dy vëllezërit kosovarë, Arsen dhe Arben Shoshi.
Më shumë info për Benedict Group në linkun në vijim: Benedict
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët