Sport

Berisha shënon në Australi

Ky ishte vetëm goli i dytë për Berishën sivjet pas suspendimit që mori për shkak se kishte shtyrë një gjyqtar

Sulmuesi kosovar Besart Berisha ka realizuar gol për Melbourne Victoryn në barazimin 1 me 1 me Brisbane Roar.

Në kuadër të xhiros së gjashtë të A-League në Australi, Berisha shënoi golin e epërsisë për skuadrën e tij në minutën e 79-të të ndeshjes, megjithatë vetëm pesë minuta më pas mysafirët arritën të barazonin gjithçka.

Ky ishte vetëm goli i dytë për Berishën sivjet pas suspendimit që mori për shkak se kishte shtyrë një gjyqtar, transmeton Albinfo.ch.

Pas gjashtë ndeshjeve, Melbourne ka vetëm katër pikë të tubuara dhe është në tri vendet e fundit në tabelë.