Kriza në Ukrainë
Biden për Putinin: “Për hir të Zotit, ky njeri nuk mund të qëndrojë në pushtet”
Biden e paralajmëroi presidentin rus Vladimir Putin me terma të prerë kundër një sulmi në territorin e NATO-s. “As mos mendoni të ndërmerrni veprime kundër një centimetër të territorit të NATO-s”
Presidenti amerikan, Joe Biden, e ka përgatitur botën për një konflikt të gjatë për rendin e ardhshëm ndërkombëtar, shkruan srf.ch.
Bëhet fjalë për një “betejë të madhe midis demokracisë dhe autokracisë, midis lirisë dhe shtypjes, midis një rendi të bazuar në rregulla dhe atij që përcaktohet nga forca brutale”, është shprehur Biden në një fjalim në Kështjellën Mbretërore të Varshavës të shtunën në mbrëmje, transmeton albinfo.ch.
“Duhet të jemi të qartë për këtë: kjo betejë nuk do të bëhet me ditë apo muaj. Duhet të përgatitemi për një luftë të gjatë”.
Biden e paralajmëroi presidentin rus, Vladimir Putin, me terma të prerë kundër një sulmi në territorin e NATO-s. “As mos mendoni të ndërmerrni veprime kundër një centimetër të territorit të NATO-s”, tha ai. Shtetet e Bashkuara dhe partnerët e saj të NATO-s kanë një “obligim të shenjtë” për të mbrojtur territorin e aleancës me fuqinë e kombinuar të të gjithë anëtarëve”, tha Biden.
“Për hir të Zotit, ky njeri nuk mund të qëndrojë në pushtet”, tha Biden pa përmendur në mënyrë eksplicite presidentin rus në këtë pikë. Putin e ka llogaritur gabim agresionin në Ukrainë.
NATO dhe Perëndimi tani janë “më të bashkuar” se kurrë më parë, transmeton albinfo.ch. Rusia donte më pak ushtarë të NATO-s në Evropën Lindore, tani ka më shumë, tha ai. Vetëm forcat e armatosura amerikane tani kanë më shumë se 100,000 ushtarë në Evropë.
(Foto; Screenshot SRF)
Të ngjashme
Të tjera nga Kriza në Ukrainë
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë