Ministri i Jashtëm ukrainas: Zelensky kurrë nuk do të ulet në tryezën e bisedimeve me Putinin

Ministri i Punëve të Jashtme i Ukrainës, Dmytro Kuleba, është shprehur se Ukraina mund të nisë bisedimet e paqes me Rusinë pasi pushtuesit të largohen nga territori ukrainas, raporton gazeta italiane “Corriere della Sera”, përcjell albinfo.ch.

Sipas tij, presidenti ukrainas, Volodymyr Zelensky, “kurrë nuk do të ulet në tryezën e bisedimeve me udhëheqësin rus, Vladimir Putin”, teksa e quajti Putinin diktator, duke theksuar se Ukraina është gati për negociata paqeje kur Rusia të tërheqë “forcat pushtuese nga territori i atij vendi”.

“Ky qëllim mund të arrihet me një kombinim të luftës dhe diplomacisë. Gjeneralët tanë merren me pjesën e parë, detyra e tyre është të inkurajojnë rusët të tërhiqen dhe t’i bindin ata se është më mirë të flasim se sa të luftojmë”, u shpreh ai.

Ndër të tjera, ai shtoi se Zelensky nuk do të ulet kurrë në tryezën e bisedimeve me presidentin rus, Vladimir Putin.