Lajme
Biden: Të vaksinuarit të mos mbajnë maskë
Në një deklaratë të fundit, presidenti i SHBA-së, Joe Biden, tha se të vaksinuarit plotësisht kundër koronavirusit të ri (COVID-19) nuk kanë nevojë të vendosin maskë, përcjell albinfo.ch.
Biden dha një deklaratë në kopshtin e Shtëpisë së Bardhë menjëherë pasi Qendra për Kontrollin dhe Parandalimin e Sëmundjeve (CDC) të SHBA-së publikoi një udhëzues të ri lidhur me rregullat e COVID-19.
“Sot është një ditë e shkëlqyer në luftën tonë kundër koronavirusit në SHBA”, tha Biden i cili shtoi se “Qendra për Kontrollin dhe Parandalimin e Sëmundjeve njoftoi se tashmë vendosja e maskës nuk është e detyrueshme për personat që janë vaksinuar plotësisht”.
Pasi nënvizoi se pas këtij vendimi qëndron suksesi i tyre në vaksinim, Biden tha se “në 114 ditë kemi aplikuar 250 milionë doza të vaksinës. Në 49 nga 50 shtete rastet kanë rënë”.
Ai tha se shtrimet në spitale janë në nivelin më të ulët që nga fillimi i pandemisë. Biden theksoi se është për t’u përgëzuar durimi dhe sakrifica që populli amerikan ka treguar në vitin e fundit.
“Si vaksinim e keni përmbushur detyrën tuaj patriotike. Tani rregulli është shumë i thjeshtë, vaksinohuni ose vendoseni maskën deri kur të vaksinoheni”, tha Biden.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën