Lajme
Biden zotohet se do të ndihmojë në rindërtimin e Gazës
Në deklaratën e fundit, presidenti i Shteteve të Bashkuara, Joe Biden tha se “lutet” që armëpushimi ndërmjet Izraelit dhe Hamasit të respektohet dhe se zgjidhja me dy shtete është përgjigja e vetme për të zgjidhur konfliktin vdekjeprurës, përcjell albinfo.ch.
“Lutem që armëpushimi të respektohet. Unë do ta mbaj për fjale Bini Netanyahun. Ai asnjëherë nuk e ka shkelur fjalën që ma ka dhënë”, tha Biden më 21 maj, duke iu referuar kryeministrit të Izraelit, Benjamin Netanyahu.
Në konferencë për media nga Shtëpia e Bardhë, Biden po ashtu u zotua se së bashku me shtete të tjera do të krijojnë një pako të madhe financiare për të ndihmuar në rindërtimin e Rripit të Gazës.
Binden tha se ndihma për Gazën do të koordinohet me Autoritetin Palestinez që të sigurohen se Hamasi nuk do të përdorë asnjë fond për të blerë furnizime ushtarake.
Autoriteti Palestinez, që mbështetet nga Perëndimi, e që udhëhiqet nga Mahmud Abbas është organizatë rivale e Hamasit, që kontrollon Gazën, shkruan REL
Po ashtu, zëdhënësi i Departamentit amerikan të Shtetit, Ned Price tha se Sekretari i Shtetit, Antony Blinken ka biseduar me Abbasin, ku i ka “nënvizuar përkushtimin e SHBA-së” për të punuar me Autoritetin Palestinez dhe Kombet e Bashkuara që të “ofrojnë ndihmë humanitare dhe për të mbështetur ndihmën ndërkombëtare për Gazën dhe përpjekjet për rindërtimin e Gazës”.
nga ana tjeter, ekspertët thonë se do të duhen vite dhe dhjetëra-miliona dollarë për të sanuar dëmet në Gaza.
Duke bërë thirrje për zgjidhje me dy shtete, Biden ripërsëriti mbështetjen e Uashingtonit për Izraelin dhe tha se edhe shtetet e tjera në rajon duhet të njohin të drejtën e këtij shteti për të ekzistuar.
“Le të jemi të qartë: Derisa rajoni thotë se do ta pranojnë pa asnjë mëdyshje të drejtën e Izraelit për të ekzistuar si një shtet i pavarur dhe hebre, nuk do të ketë paqe”, u tha Biden gazetarëve.
Më 21 maj, Irazeli dhe Hamasi u pajtuan që të ndalojnë të gjitha luftimet, duke i dhënë fund 11 ditëve të konfliktit, ku Izraeli kreu sulme ajrore njësojë sikurse edhe palestinezët. Nga konflikti mbetën të vrarë 232 persona në Gaza dhe 12 persona në Izrael. Rreth 2,000 të tjerë u plagosën.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale