Lajme

Blerësit e certifikatave false mund të dënohen me 600 franga

E enjte, 3 Shkurt 2022 - 13:00 albinfo.ch

(KEYSTONE/Ennio Leanza)

Prokurorët në kantonin e Schaffhausenit tani po kërkojnë njerëz që kanë blerë certifikata false – ata përballen me një gjobë prej rreth 600 CHF.

Në tetor rreth pesë persona u arrestuan për shitjen e dokumenteve false. Ata janë liruar nga paraburgimi dhe akuzat pritet të ngrihen më vonë.

Por tani vëmendja është tek blerësit. Prokurorët thonë se shumica e tyre vijnë nga kantonet Schaffhausen dhe Cyrih, shkruajnë mediat zvicerane, përcjell albinfo.ch.

Autoritetet në kantonin St. Gallen po godasin gjithashtu rrjetin për certifikatat e rreme. Ata besojnë se janë rreth 9,000 falsifikime në qarkullim. Dhjetë persona janë arrestuar.