Bllokohen pasuritë e Mubarakut në Zvicër

Veç ish presidentit, këtu hyjnë edhe bashkëshortja e tij, djemtë me gratë e tyre, vëllai i gruas, katër ish ministra etj.

Qeveria e Zvicrës ka shpallur vendimin për bllokimin e të gjitha pasurive që mund të ketë pasur në Zvicër, ish presidenti egjiptian, Hosni Mubarak dhe rrethi i tij, ka njoftuar një zëdhënës i qeverisë.

Në këtë rreth përfshihet bashkëshortja e tij, djemtë me gratë e tyre, vëllai i gruas, katër ish ministra dhe një ish sekretar i partisë së Mubarakut, NDP.

Ndërkaq, presidentja e vendit Micheline Calmy Rey, nga Madridi ku po qëndron për vizitë zyrtare, ka arsyetuar këto masa me synimin që të nxisë shtetin e Egjiptit për t`iu drejtuar Zvicrës me kërkesë për ndihmë juridike.

Qëllimi tjetër i bllokimit është që këto para të mos mund të tërhiqen nga ish krerët e shtetit të Egjiptit.

Rreth një muaj më parë Zvicra pati bllokuar pasuritë e ish presidentit tunizian Zine al-Abidine Ben Ali.