Boksierja kosovare, në Lojërat e Dyta Evropiane në Minski 

Boksierja kosovare, Donjeta Sadiku, do të jetë e pranishme në Lojërat e Dyta Evropiane këtë vit, që do të zhvillohen nga 21 deri më 30 qershor në Minsk të Bjellorusisë. 

Ky lajm i është konfirmuar Komitetit Olimpik të Kosovës për pjesëmarrjen me ftesë të boksieres nga Kosova, e cila garon në kategorinë deri në 60 kg, përcjell albinfo.ch

Sadiku ka qenë nënkampione e botës për juniorë në vitin 2015, në Taipei të Tajlandës, ndërsa një vit më vonë ajo e mori të artën në Evropianin e Ordus në Turqi, në kategorinë deri në 57 kg.  Në Minsk, Kosovën do ta përfaqësojnë edhe xhudistët e suksesshëm nga Kosova, ndërsa pritet të marrin pjesë edhe garues të sporteve të tjera.