Lajme
Bie bora e parë në Zvicër: bllokohen për trafik disa rrugë malore
Dje, e hënë, ka rënë deri në 15 centimetra borë e freskët në shumë vende malore. Prandaj, disa qafa malore alpine janë mbyllur tashmë për trafik
Ditët e fundit bora e parë ka rënë në shumë vende malore. Veçanërisht në Kantonin Valis dhe në kantonin Graubünden, si dhe në gjithë rajonin alpin ka rënë deri në 15 centimetra borë, shkruan 20minuten.ch.
Të martën pritet që “linja e borës” të zbresë 200 metra më poshtë se deri më tani, gjegjësisht borë do të bjerë edhe në lartësitë prej 1300 metrash, transmeton albinfo.ch. Me fillimin e borës u desh të mbylleshin kalimet (qafat) e para alpine.
Në këtë përmbledhje mund të shihni se në cilat qafa mali është ende e mundur të udhëtohet dhe në cilat jo.
Këto qafa malore janë të mbuluara me borë, por ende mund të përdoren (alpen-paesse.ch, që nga 1 nëntori): Ofenpass, Albula Pass (kërkohen zinxhirë dëbore), Julierpass, Malojapass, Simplonpass, Splügenpass, Oberalppass, Lukmanierpass, Forcola di Livigno (zinxhirët e dëborës të detyrueshëm), Berninapass (kërkohen zinxhirë dëbore), Pass Splügen, Pass Oberalp, Kalimi Lukmanier.
Në disa rajone ka rënë aq shumë borë sa që disa qafa mali nuk janë të kalueshme. Bëhet fjalë për vendet në vijim: Pass Susten, Umbrail Pass, Klausenpass, Pass Gotthard, Pass Flüela, Grimselpass, Nufenenpass, Furkapas, San Bernardino Pass.
A mund të shpresojnë entuziastët e sporteve dimërore që së shpejti të bëjnë ski? “Në male, të mërkurën mbrëma dhe mëngjesin e së enjtes priten më shumë reshje bore”, thotë Perret nga shërbimi meteorologjik Meteonews, transmeton albinfo.ch. Përveç kësaj, vija e borës pritet të bjerë në 1000 metra, në disa vende madje edhe në 800 metra. Deri në fund të javës në lartësitë më të mëdha pritet të bie gjysmë metër borë, thotë Perret.
“Me ndihmën shtesë të topave të dëborës, pistat e para të skive ndoshta do të hapen në fundjavë”, thotë meteorologu.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor