Futboll
Bosnja tregon arsyen përse refuzojnë të luajnë me Kosovën
Meqenëse para disa ditësh, Radio Evropa e Lirë raportoi se Bosnja e Hercegovina dhe Serbia, sipas sekretarit të përgjithshëm të FFK-së, Eroll Salihut, kishin kërkuar që të mos luajnë kundër Kosovës.
Ai tha se kjo do të ndodhë deri në finale të Kampionatit Evropian, kur përballjet nuk mund të shmangen, por që ndeshjet do të zhvilloheshin në terrene neutrale.
Nga ana tjetër, “Radiosarajevo” ka kontaktuar me krerët e Federatës boshnjake të Futbollit, të cilët ishin në Nyon të Zvicrës, ku u mbajt shorti i plejofit të Ligës së Kombeve të UEFA-s
“Kur Kosova u pranua në UEFA, menjëherë është marrë vendimi që edhe Bosnja e Hercegovina të futet në vendet ku rreziku i sigurisë do të ishte shumë i madh nëse do të luanin në të njëjtin grup të kualifikimeve me Kosovën. Këto arsye kanë qenë për grupet e kualifikimeve, por kështu ka mbetur edhe për aktivitetet tjera, e kështu edhe për Kampionatin Evropian”, kanë thënë nga Federata boshnjake.
Nga kjo Federatë kanë thënë se UEFA këto kritere nuk i ka marrë për shkak se Bosnja e Serbia nuk e njohin Kosovën.
“Arsyeja është e qartë – siguria”, kanë shtuar nga kjo federatë, duke mos dashur të japin detaje tjera në lidhje me deklaratën e Salihut.
Gjithashtu, REL-i raportoi të mërkurën se Kombëtarja dhe ekipet e Kosovës në futboll, në kuadër të garave kualifikuese në ligat evropiane, por edhe kualifikimet për kampionatet evropiane, nuk do të mund të zhvillojnë ndeshje si nikoqir apo mysafir ndaj Serbisë, Bosnjë e Hercegovinës dhe Rusisë.
Sipas zyrtarëve të FFK-së, ky është vendim i Federatës Evropiane të Futbollit – UEFA dhe ai është i vlefshëm, përveç në rastet kur përfaqësueset e këtyre vendeve ose ekipet e tyre arrijnë në fazën eliminatore ose finale të ndonjë gare apo kampionati, përcjell albinfo.ch.
Të ngjashme
Të tjera nga Futboll
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?