Lajme

Britani e Madhe: Për herë të parë në 14 muaj, asnjë vdekje e re nga korona

Vaksinimet kanë ndihmuar në mënyrë të qartë "or duhet të vazhdojmë t'u përmbahemi masave mbrojtëse", ka paralajmëruar sekretari Hancock

Për herë të parë pas një periudhe më shumë se 14 mujore, askush në Mbretërinë e Bashkuar nuk ka vdekur nga ose me Covid-19, raportojnë media të ndryshme britanike.

Nuk është regjistruar asnjë person të hënën që të ketë vdekur brenda 28 ditëve nga testi pozitiv i koronës, kanë njoftuar të martën autoritetet britanike, transmeton albinfo.ch. Një rast i tillë është shënuar për herë të fundit në mars të vitit 2020.

Sekretari britanik i Shëndetësisë, John Hancock ka shkruar me këtë rast deklaratën në vijim: “I gjithë vendi do të jetë i lumtur që dje nuk kishte asnjë vdekje të lidhur me Covid”.

Vaksinimet kanë ndihmuar në mënyrë të qartë, ka theksuar ai. Por duhet të vazhdojmë t’u përmbahemi masave mbrojtëse, ka paralajmëruar Hancock.

Bilanci i koronavirusit është raportuar të martën, pas pushimit për një festë kombëtare që ka qenë  të hënën.

Siç dihet tashmë, Britania e Madhe është kampion në Evropë e më gjerë sa i përket suksesit në procesin e vaksinimit.