Lajme
Britania do t’i ndajë 300 milionë funte për Ukrainën
Kryeministri i Britanisë së Madhe, Boris Johnson, do t’i drejtohet Parlamentit ukrainas të martën, duke u bërë lideri i parë botëror që e bën këtë që nga shpërthimi i luftës në shkurt, raporton Sky News.
Në një fjalim të regjistruar, kryeministri do të vlerësojë rezistencën e Ukrainës kundër tiranisë ruse dhe do të shpallë një paketë të re ndihme ushtarake prej 300 milionë funtesh (357 milionë euro) për të mbështetur mbrojtjen e vazhdueshme të Ukrainës kundër Rusisë.
Në fjalimin e tij në “Verkhovna Rada” të martën, kryeministri pritet gjithashtu të përshëndesë “orën më të mirë” të Ukrainës dhe të theksojë se Mbretëria e Bashkuar është “krenare që është mes miqve”.
Komentet e tij do të transmetohen derisa Ambasada britanike rihapet në Kiev, si një shfaqje mbështetjeje për Ukrainën.
“Kur vendi im u përball me kërcënimin e pushtimit gjatë Luftës së Dytë Botërore, Parlamenti ynë – si i yti, vazhdoi të takohej gjatë gjithë konfliktit dhe populli britanik tregoi një unitet dhe vendosmëri të tillë, ashtu që ne e kujtojmë kohën tonë të rrezikut më të madh si ‘ora jonë më e mirë’”, pritet të jenë fjalët e Johnsonit.
Johnsoni po ashtu pritet të deklarojë se ky është një kapitull, i cili do t’u mësohet edhe fëmijëve, se forca brutale e një agresori nuk vlen asgjë kundër forcës morale të një populli të vendosur për të qenë i lirë.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
Zvicra ‘shtyn’ ukrainasit të punojnë më shumë Plani synon që 40% të funksionojë deri në fund të 2024 dhe 45% deri në fund...
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet
-
Zvicra në referendum për të ndalur rritjen e popullsisë
-
Protesta, arrestime, diskualifikime: Kjo ishte finalja e Eurovisionit