Lajme
Gjermani: Burgim i përjetshëm për dy shqiptarët që vranë për gjakmarrje
Të shtënat vdekjeprurëse nga një motoçikletë, pranë një shkolle fillore në janar të vitit 2017 patën bërë bujë në gjithë Gjermaninë e më gjerë
Pas vrasjes fatale të një 46-vjeçari gjashtë vjet më parë në Visselhövede (rrethi Rotenburg), Gjykata e Landit Verden ka dënuar sot dy persona me burgim të përjetshëm për vrasje.
Kryetari i trupit gjykues e pa si të provuar se të pandehurit 32 dhe 36-vjeçarë ishin të përfshirë në krim, ka thënë një zëdhënëse e gjykatës, transmeton albinfo.ch. Megjithatë, në proces nuk u arrit të sqarohej se kush kishte shkrepur të shtënat.
Të dy të dënuarit kanë kombësi shqiptare – edhe i vdekuri ka qenë po ashtu shqiptar, shkruan dpa.de.
Përveç dënimit me burgim të përjetshëm, prokuroria publike paraprakisht kishte kërkuar edhe përcaktimin e peshës së veçantë të fajit, përcjell albinfo.ch. Ajo kishte folur në aktakuzën e saj për një “ekzekutim publik”. Ndërsa mbrojtja ka kërkuar lirim për të dy të pandehurit.
Të shtënat vdekjeprurëse pranë një shkolle fillore në janar të vitit 2017 patën bërë bujë në gjithë Gjermaninë e më gjerë.
Në mars të vitit 2018, një 23-vjeçar në atë kohë ishte dënuar tashmë për vrasje si drejtues i motoçikletës. Një i akuzuar i dytë qe shpallur i pafajshëm.
Sfondi i vrasjes është një akt dhune në Shqipëri. Aty, viktima e tashme e vrasjes kishte vrarë një burrë para një diskoteke në Tiranë, në vitin 2011, transmeton albinfo.ch. Për këtë ai ishte dënuar me burgim në vendlindjen e tij, shumicën e të cilit e kishte vuajtur. Por pas pas kësaj,nga frika e gjakmarrjes ai qe arratisur me familjen në Gjermani.
Prokuroria supozoi se dy të pandehurit, të cilët nuk ishin banues në Gjermani, kërkonin 46-vjeçarin për ta ekzekutuar, duke ushtruar kështu gjakmarrjen.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale