Lajme
Bushati: Autoritetet serbe të distancohen nga dhuna në stadium
Mikpritja, kjo vlerë e shenjtë për të gjithë popujt ballkanas, u nëpërkëmb si asnjëherë tjetër në një atmosferë antisportive dhe ksenofobe
Ministria e Punëve të Jashtme e Shqipërisë dënon me forcë dhunën, provokimet e ulëta dhe keqinformimin mediatik, të cilat bien ndesh me parimet e sportit dhe politikës së fqinjësisë së mirë. Kështu thuhet në një reagim të Ministrisë së Punëve të Jashtme për incidentet dhe dhunën që ndodhi në Beograd gjatë ndeshjes Serbi-Shqipëri
„Mikpritja, kjo vlerë e shenjtë për të gjithë popujt ballkanas, u nëpërkëmb si asnjëherë tjetër në një atmosferë antisportive dhe ksenofobe”, tha në një reagim ministri i Jashtëm Ditmir Bushati.
„Jemi të keqardhur që autoritetet më të larta serbe nuk kanë gjetur ende kurajën për t’u distancuar dhe dënuar aktet e dhunës si dhe urrejtjen e shfaqur haptazi ndaj simboleve tona kombëtare si dhe atyre të aleancës atlantike”, thotë me tutje në reagim kryediplomati shqiptar.
Sjelljet e tilla ekstremiste, sipas Ministrit të Jashtëm, kërkojnë të mbajnë peng popujt tanë në qerthullin e një të kaluare të dhimbshme.
„Jemi të ndërgjegjshëm për dallimet e mëdha që ekzistojnë mes nesh, dhe po kaq të vendosur për të vijuar me durim dhe kurajë rolin tonë si promotorë të zhvillimeve demokratike dhe stabilizuese në rajon”, tha kryediplomati shqiptar.
Nga ana tjetër, Bushati shprehu vendosmërinë e Shqipërisë për të vazhduar me kursin si anëtar i NATO-s, si dhe vijimin e ndjekjes së politikës konstruktive në rajon.
„Ne jemi një vend anëtar i NATO-s, kandidat në BE, të qartë dhe krenarë për përkatësinë tone perëndimore. Kjo përkatësi dëshmohet përditë përmes përputhshmërisë së plotë të vlerave, vizionit dhe objektivave të politikës sonë të jashtme me ato të SHBA dhe BE”, tha Bushati duke ftuar autoritetet serbe që të evitojnë epitetet fyese dhe në bllok ndaj shqiptarëve si dhe keqinformimin që nuk i shërben askujt.
„I bëjmë thirrje autoriteteve serbe, të cilat kishin përgjegjësinë e plotë për mbarëvajtjen e këtij aktiviteti, që të dënojnë pa asnjë ekuivok dhe të nxjerrin para përgjegjësisë të gjithë përgjegjësit për incidentet e shkaktuara, para, gjatë dhe pas ndeshjes”, thuhet në reagimin e MPJ-së.
„Inkurajojmë autoritetet serbe që në vend të keqinformimit dhe propagandës që synon të përfshijë autoritetet e larta shqiptare, të hetojnë plotësisht ngjarjet, të faktojnë pretendimet dhe të nxjerrin përgjegjësitë”, tha Bushati.
Kryediplomati shqiptar i ka ftuar autoritetet e UEFA-s të ndërmarrin të gjitha hapat e nevojshme për një hetim dhe një raportim të paanshëm duke dëshmuar se futbolli është arenë e miqësisë dhe e qytetarisë.
Bushati i ka bërë thirrje të gjithë shqiptarëve kudo që ndodhen, në Tiranë, në Prishtinë, në Shkup, Tuz dhe Mitrovicë që të ruajnë gjakftohtësinë, të tregojnë qytetarinë, kulturën dhe fisnikërinë që karakterizoi kombëtaren e Shqipërisë.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll