Bushati: Shqipëria pret miratimin për hapjen e negociatave

“Shqipëria shpreson shumë që Bashkimi Evropian të vendosë për fillimin e bisedimeve për anëtarësimi në mbledhjen e Këshillit Evropian më 28-29 qershor, për të ndihmuar çimentimin e tranzicionit të saj në ekonominë e tregut”, ka thënë ministri i jashtëm i Shqipërisë, Ditmir Bushati në një intervistë për “The Japan News”  gjatë vizitës në Tokio.

Bushati theksoi se tashmë ka ardhur koha që BE-ja të nisë negociatat me Shqipërinë për anëtarësim. Bushati nisi të dielën një vizitë tre ditore në Japoni për të promovuar marrëdhëniet dypalëshe Shqipëri-Japoni, përcjell albinfo.ch.

Ai theksoi që Shqipëria ka nevojë për më shumë investime nga Japonia në sektorë të tillë si në infrastrukturë apo tregu i automjeteve.