Cédric Wermuth: Unë pres që Zvicra dhe Evropa të jenë shumë të qarta me Vuçiçin

Mjaft më me ndërhyrjen në të drejtën e Republikës së Kosovës për vetëvendosje. Kosova është shtet i pavarur, pranojeni.  Stop nxitjes së dhunës dhe urrejtjes

Lajmi i djeshëm mbi mbrojtjen policore në te cilën ndodhet Dick Marty dhe deklarata e tij për kërcënimin nga shërbimet serbe, ka bërë jehonë në mediat dhe në skenën politike zvicerane.

Lidhur me këtë ka reaguar bashkëkryetari i Partisë Socialdemokrate, politikani i njohur, Cédric Wermuth, shkruan albinfo.ch. Deputeti në Dhomën e Kantoneve të Parlamentit të Zvicrës është po ashtu bashkëkryetar i Grupit të Miqësisë Zvicër-Kosovë në Parlamentin e Zvicrës dhe njihet si mik i shqiptarëve.

Në vazhdim, reagimi i tij lidhur me lajmin e përmendur.

“E di që ka shumë kritika ndaj Dick Marty edhe në Kosovë. Mund të kemi mendime të ndryshme rreth rezultateve të hetimeve të tij. Punën e tij e kam mbrojtur gjithmonë sepse e njoh nga Zvicra si një person shumë të pasionuar pas drejtësisë. Unë do të vazhdoj ta bëj këtë. Por ajo që është e papranueshme është kjo: Shteti serb tentoi ta vriste Martin dhe të fajësonte ish luftëtarët e UÇK-së.

Presidenti Vuçiq po përpiqet agresivisht të mbjellur urrejtjen dhe dhunën në rajon si dhe ta ndajë Kosovën nga Evropa. Më lejoni të jem shumë i qartë: Ne nuk do ta lejojmë këtë. Unë pres që qeveria zvicerane dhe Evropa të jenë shumë të qarta me Vuçiçin:
Mjaft më me ndërhyrjen në të drejtën e Republikës së Kosovës për vetëvendosje. Kosova është shtet i pavarur, pranojeni.  Stop nxitjes së dhunës dhe urrejtjes.

---